ទិវាជាតិអប់រំបណ្តុះបណ្តាលបច្គេកទេស និងវិជ្ជាជីវៈ លើកទី៩ ឆ្នាំ២០២៦

ព្រឹត្តិការណ៍ថ្នាក់ជាតិដ៏មានសារៈសំខាន់នេះ នឹងត្រូវប្រារព្ធឡើងយ៉ាងអធិកអធមក្រោមអធិបតីភាពដ៏ខ្ពង់ខ្ពស់របស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ដើម្បីជំរុញការអភិវឌ្ឍកម្លាំងពលកម្មជំនាញឱ្យឆ្លើយតបទៅនឹងការវិវត្តនៃសេដ្ឋកិច្ចជាតិ។

១. ព័ត៌មានទូទៅនៃព្រឹត្តិការណ៍ 

• ប្រធានបទ៖ «TVET ផ្តល់ជំនាញ ការងារ និងប្រាក់ចំណូល»

• កាលបរិច្ឆេទ៖ ថ្ងៃទី១៥ ដល់ថ្ងៃទី១៦ ខែថិមនា ឆ្នាំ២០២៦ (រយៈពេល ២ថ្ងៃ)

២. គោលបំណង

• លើកកម្ពស់ការយល់ដឹង៖ ផ្សព្វផ្សាយពីសារៈសំខាន់នៃវិស័យអប់រំបណ្តុះបណ្តាលបច្ចេកទេស និងវិជ្ជាជីវៈ (TVET) ទៅកាន់សិស្សានុសិស្ស យុវជន អាណាព្យាបាល និងសាធារណជនទូទៅ។

• ការអភិវឌ្ឍធនធានមនុស្ស៖ ជំរុញការចូលរួមអភិវឌ្ឍកម្លាំងពលកម្មជំនាញរបស់កម្ពុជា ឱ្យមានសមត្ថភាពខ្ពស់ ឆ្លើយតបបានយ៉ាងមានប្រសិទ្ធភាពទៅនឹងតម្រូវការជាក់ស្តែងនៃទីផ្សារការងារក្នុងស្រុក និងតំបន់។.

៣. សកម្មភាពសំខាន់ៗក្នុងកម្មវិធី

• ការតាំងពិព័រណ៍ស្នាដៃ និងនវានុវត្តន៍៖ ការបង្ហាញនូវសមិទ្ធផល គំនិតច្នៃប្រឌិត និងបច្ចេកវិទ្យាថ្មីៗដែលសម្រេចបានដោយសិស្ស-និស្សិត នៃគ្រឹះស្ថាន TVET។

• ការផ្តល់ប្រឹក្សាយោបល់វិជ្ជាជីវៈ៖ ការផ្តល់ព័ត៌មានលម្អិត និងការណែនាំតម្រង់ទិសលើមុខជំនាញផ្សេងៗ ដើម្បីជួយយុវជនក្នុងការសម្រេចចិត្តជ្រើសរើសជំនាញដែលត្រូវនឹងសក្តានុពលរបស់ខ្លួន។

• ការផ្សព្វផ្សាយថ្នាក់ជាតិ៖ មានការចេញសារាចរណែនាំ និងសេចក្តីជូនដំណឹងផ្លូវការពីប្រមុខរាជរដ្ឋាភិបាល ដែលអាចស្វែងរកអានបន្ថែមបាននៅលើគេហទំព័ររបស់ក្រសួងព័ត៌មាន ឬទីភ្នាក់ងារសារព័ត៌មានកម្ពុជា (AKP)។