ការតាំងពិព័រណ៍ផលិតផលសក្តានុពលកម្ពុជា
សកម្មភាពចំបងក្នុងកំឡុង “ពិព័រណ៍ពាណិជ្ជកម្មកម្ពុជា” ដែលបានប្រព្រឹត្តទៅចាប់ពីថ្ងៃទី១៣-១៦ ខែធ្នូ ឆ្នាំ២០២៤ គឺជាការដាក់តាំងពិព័រណ៍ផលិផលសក្តានុពលកម្ពុជា ដែលមានគោលបំណងលើកស្ទួយផលិតផល និងការរីកចម្រើននៃសេដ្ឋកិច្ចជាតិ ដែលបានផ្តោតសំខាន់ទៅលើការជំរុញផលិតផលជាតិចូលក្នុងទីផ្សារអន្តរជាតិ និងពង្រឹងឱ្យមានការប្រើប្រាស់ផលិតផលជាតិនៅក្នុងស្រុក។
ការតាំងពិព័រណ៍នេះមានគោលបំណងសំខាន់ៗដូចជា៖
- ពង្រឹងសមត្ថភាពប្រកួតប្រជែង និងភាពច្នៃប្រឌិតរបស់សហគ្រាសក្នុងស្រុក ដោយផ្តោតលើគុណភាព និងស្តង់ដារអន្តរជាតិ
- ទាក់ទាញការវិនិយោគ និងជំនាញបច្ចេកទេសពីបរទេស ដើម្បីលើកកម្ពស់វិស័យផលិតកម្មជាតិ
- និងលើកស្ទួយអត្តសញ្ញាណជាតិ តាមរយៈការផ្សព្វផ្សាយផលិតផលដែលជានិមិត្តរូបនៃគុណភាព និងមោទនភាពជាខ្មែរ។
“ពិព័រណ៍ពាណិជ្ជកម្មកម្ពុជា” បានទាក់ទាញភ្ញៀវចូលរួមជាច្រើន រួមទាំងភ្ញៀវអន្តរជាតិ អ្នកវិនិយោគ និងតំណាងពាណិជ្ជកម្ម ដែលនឹងជួយជំរុញឱ្យកម្ពុជា ក្លាយជាគោលដៅសំខាន់មួយសម្រាប់ពាណិជ្ជកម្ម និងសេដ្ឋកិច្ចជាតិ។
