ASEAN Panorama 2026

ASEAN Panorama 2026 គឺជាគម្រោងយុទ្ធសាស្ត្ររៀបចំដោយ មជ្ឈមណ្ឌលអាស៊ាន-កូរ៉េ (ASEAN-Korea Centre - AKC) ក្នុងគោលបំណងលើកកម្ពស់ផលិតផលអាស៊ាន និងពង្រឹងកិច្ចសហប្រតិបត្តិការសេដ្ឋកិច្ចរវាងអាស៊ាន និងសាធារណរដ្ឋកូរ៉េ។ សម្រាប់កម្ពុជា ព្រឹត្តិការណ៍នេះគឺជាវេទិកាសម្រាប់នាំយកផលិតផលសក្តានុពលរបស់ខ្លួនទៅកាន់បេះដូងនៃទីក្រុងសេអ៊ូល ដើម្បីតភ្ជាប់ទំនាក់ទំនងដោយផ្ទាល់ជាមួយបណ្តាញចែកចាយ និងអ្នកបញ្ជាទិញធំៗនៅក្នុងទីផ្សារកូរ៉េ។

១. ទិដ្ឋភាពទូទៅនៃព្រឹត្តិការណ៍ 

• កាលបរិច្ឆេទតាំងពិព័រណ៍៖ ថ្ងៃទី៤ -៣០ ខែមិថុនា ឆ្នាំ២០២៦ (សម្រាប់ផលិតផលកម្ពុជា និងម៉ាឡេស៊ី)

• កម្មវិធីជួបពិភាក្សាធុរកិច្ច (B2B)៖ ថ្ងៃទី២៣ ខែមិថុនា ឆ្នាំ២០២៦

• ទីតាំង៖ Seoul ASEAN Hall (Korea Press Center)

• ទីក្រុង និងប្រទេស៖ ទីក្រុងសេអ៊ូល សាធារណរដ្ឋកូរ៉េ

• អ្នករៀបចំ៖ មជ្ឈមណ្ឌលអាស៊ាន-កូរ៉េ (AKC)

• វិស័យអាទិភាព៖ ម្ហូបអាហារ និងភេសជ្ជៈ (F&B), ផលិតផលថែរក្សាសម្រស់, សិប្បកម្ម និងផលិតផលប្រើប្រាស់ទូទៅ។

២. ចំណុចពិសេសនៃពិព័រណ៍ 

• ស្តង់តាំងបង្ហាញឥតគិតថ្លៃ៖ AKC ផ្តល់ទីតាំងតាំងបង្ហាញនៅ Seoul ASEAN Hall ដោយមិនគិតថ្លៃសម្រាប់ក្រុមហ៊ុនដែលត្រូវបានជ្រើសរើស។

• បណ្តាញទំនាក់ទំនងទូលំទូលាយ៖ ឱកាសជួបជាមួយអ្នកជំនាញផ្នែកពាណិជ្ជកម្ម និងវិនិយោគមកពីបណ្តាប្រទេសអាស៊ានដទៃទៀត។

៣. អត្ថប្រយោជន៍ នៃការចូលរួម

សម្រាប់សហគ្រាសកម្ពុជា

នេះគឺជាឱកាសកាត់បន្ថយចំណាយក្នុងការសាកល្បងទីផ្សារអន្តរជាតិ និងទទួលបានការផ្សព្វផ្សាយម៉ាកសញ្ញាក្នុងកម្រិតខ្ពស់ក្រោមការជួយជ្រោមជ្រែងពីស្ថាប័នផ្លូវការ។

សម្រាប់វិនិយោគិនកូរ៉េ

ស្វែងរកផលិតផលសរីរាង្គ និងសិប្បកម្មប្លែកៗពីកម្ពុជា ដែលមានសក្តានុពលក្នុងការប្រកួតប្រជែងខ្ពស់លើគុណភាព និងតម្លៃ។