ពិព័រណ៍ពាណិជ្ជកម្មកម្ពុជា

អំពីព្រឹត្តិការណ៍ 

ពិព័រណ៍ពាណិជ្ជកម្មកម្ពុជាត្រូវបានរៀបចំឡើងយ៉ាងសម្រិតសម្រាំងដើម្បីជំរុញសេដ្ឋកិច្ចក្នុងស្រុក និងលើកកម្ពស់មោទនភាពផលិតផលខ្មែរ។ ពិព័រណ៍ពាណិជ្ជកម្មនេះ ជាព្រឹត្តិការណ៍ប្រចាំឆ្នាំដ៏ធំបំផុត ចាប់ផ្តើមតាំងពីឆ្នាំ២០០៦។ ព្រឹត្តិការណ៍នេះផ្តោតសំខាន់លើការដាក់តាំងបង្ហាញផលិតផលសក្តានុពលក្នុងស្រុក រួមមានផលិតផលសម្គាល់ភូមិសាស្ត្រ (GI) និងទំនិញពីសហគ្រាសធុនតូច និងមធ្យម (SMEs) ដើម្បីពង្រីកទីផ្សារទាំងក្នុង និងក្រៅប្រទេស។

សាវតា 

• ប្រវត្តិ: «ពិព័រណ៍ពាណិជ្ជកម្មកម្ពុជា» (CTExpo) ដើមឡើយមានឈ្មោះថា «ពិព័រណ៍ផលិតផលខ្មែរ និងទំនិញនាំចេញ-នាំចូល (CIEGE)» ដែលបានចាប់ផ្តើមតាំងពីឆ្នាំ២០០៦ និងបានរៀបចំប្រកបដោយជោគជ័យចំនួន ១៧លើក រួចមកហើយ ។
• ការផ្លាស់ប្តូរឈ្មោះ: នៅឆ្នាំ២០២៤ ពិព័រណ៍នេះបានប្តូរឈ្មោះជាផ្លូវការមកជា ពិព័រណ៍ពាណិជ្ជកម្មកម្ពុជា ( Cambodia Trade Expo ) ដើម្បីឱ្យមានភាពសាមញ្ញ ងាយស្រួលចងចាំ និងឆ្លុះបញ្ចាំងពីឧត្តមភាព និងភាពទាក់ទាញក្នុងទីផ្សារសម័យថ្មី ។

គោលបំណង

• ជំរុញពាណិជ្ជកម្ម: ដើម្បីបង្ហាញសក្តានុពលសេដ្ឋកិច្ច-ពាណិជ្ជកម្មកម្ពុជា និងជំរុញសកម្មភាពនាំចេញ-នាំចូល និងវិនិយោគ 
• លើកកម្ពស់ផលិតផល: បង្កើនកិត្យានុភាពផលិតផលក្នុងស្រុក តាមរយៈការផ្តោតលើគុណភាព និងនវានុវត្តន៍ ដើម្បីប្រកួតប្រជែងទាំងក្នុងនិងក្រៅប្រទេស 
• បង្កើតបណ្តាញ: កសាងបណ្តាញទំនាក់ទំនងរវាងអ្នកតាំងពិព័រណ៍ក្នុងស្រុកនិងអន្តរជាតិ អ្នកទស្សនា និងអ្នកវិនិយោគ 
• គោលដៅអភិវឌ្ឍន៍: បង្ហាញពីការប្តេជ្ញាចិត្តរបស់កម្ពុជាក្នុងការសម្រេចឱ្យបាននូវចក្ខុវិស័យឆ្នាំ២០៣០ ។