mt-search-toggle

website.social-medial

ស្វែងរក

ស្នើសុំរៀបចំពិព័រណ៍

ពិព័រណ៍ពាណិជ្ជកម្មកម្ពុជា លើកទី១៧ ឆ្នាំ២០២៤

 សកម្មភាព និងព័ត៌មានលម្អិតនៃព្រឹត្តិការណ៍ 

មូលបទប្រចាំឆ្នាំ៖ «យុគសម័យថ្មីនៃពាណិជ្ជកម្ម» 

១. ពិធីបើកជាផ្លូវការ និងទំហំនៃការតាំងពិព័រណ៍

  • ពិធីបើកសម្ពោធ (ថ្ងៃទី១)៖ ព្រឹត្តិការណ៍ដ៏មានសារៈសំខាន់នេះ ត្រូវបានប្រារព្ធបើកជាផ្លូវការយ៉ាងមហោឡារិក ក្រោមអធិបតីភាពដ៏ខ្ពង់ខ្ពស់របស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា។

  • ទំហំនៃពិព័រណ៍៖ គណៈកម្មការបានរៀបចំស្តង់តាំងបង្ហាញសរុបចំនួន ២៤៦ ស្តង់ ដោយទទួលបានការអញ្ជើញចូលរួមយ៉ាងកុះករពីសំណាក់ក្រុមហ៊ុនជាតិ និងអន្តរជាតិ សហគ្រាសធុនតូចនិងមធ្យម (SMEs) ស្ថាប័នរដ្ឋ និងបណ្តាអង្គទូតនានាប្រចាំនៅកម្ពុជា។

  • ផលិតផលតាំងបង្ហាញ៖ ពិព័រណ៍នេះផ្តោតការយកចិត្តទុកដាក់ខ្ពស់លើការដាក់តាំងបង្ហាញផលិតផលសម្គាល់ភូមិសាស្រ្ត (GI) ទំនិញដែលមានសក្តានុពលខ្ពស់របស់កម្ពុជា និងផលិតផលនវានុវត្តន៍ថ្មីៗ។

២. វេទិកាធុរកិច្ច និងជំនួបផ្គូផ្គងពាណិជ្ជកម្ម

ព្រឹត្តិការណ៍នេះបានរៀបចំនូវវេទិកាសេដ្ឋកិច្ចសំខាន់ៗជាបន្តបន្ទាប់រយៈពេល៤ថ្ងៃ រួមមាន៖

  • ថ្ងៃទី១៖ ការប្រារព្ធ «វេទិកាពាណិជ្ជកម្មឌីជីថលលើកទី១» ព្រមទាំងពិធីសម្ពោធជាផ្លូវការនូវប្រព័ន្ធពិព័រណ៍ពាណិជ្ជកម្មតាមអនឡាញ (Cambodiatrade.com)។

  • ថ្ងៃទី២៖ ការរៀបចំ «វេទិកាពាណិជ្ជកម្ម និងការវិនិយោគកម្ពុជា-កូរ៉េ» ក្នុងគោលបំណងជំរុញ និងពង្រីកទំហំពាណិជ្ជកម្មទ្វេភាគីរវាងប្រទេសទាំងពីរ។

  • ថ្ងៃទី៣៖ កម្មវិធីជំនួបពាណិជ្ជកម្មដោយផ្ទាល់ (B2B) ដែលផ្តោតលើការស្វែងរក និងអភិវឌ្ឍទីផ្សារសម្រាប់ផលិតផលសក្តានុពលកម្ពុជា ដូចជា៖ ស្រូវ-អង្ករ គ្រាប់ស្វាយចន្ទី ម្រេច ដំឡូងមី និងកសិផលផ្សេងៗទៀត។

  • ថ្ងៃទី៤៖ ការរៀបចំ «វេទិកាស្តីពីការនាំចេញរបស់កម្ពុជា» ដើម្បីពិភាក្សាស៊ីជម្រៅអំពីយុទ្ធសាស្ត្រ និងកាលានុវត្តភាពនៅលើទីផ្សារអន្តរជាតិ។

៣. កម្មវិធីសិល្បៈ និងការផ្លាស់ប្តូរវប្បធម៌

  • ដើម្បីបង្កើនបរិយាកាសនៃព្រឹត្តិការណ៍ឱ្យកាន់តែមានភាពរស់រវើក គណៈកម្មការមានរៀបចំការប្រគំតន្ត្រីខ្នាតតូចជារៀងរាល់ថ្ងៃ ចាប់ពីម៉ោង ៦:០០ ល្ងាច ដល់ម៉ោង ៨:០០ យប់ ដោយមានការសម្តែងទស្សនីយភាពសិល្បៈបុរាណ និងសម័យដ៏ទាក់ទាញ។

ពិព័រណ៍ពាណិជ្ជកម្មកម្ពុជា លើកទី១៧ ឆ្នាំ២០២៤

សង្ខេបពិព័រណ៍៖

  • កាលបរិច្ឆេទ ១៣ - ១៦ ធ្នូ ២០២៤
  • រយៈពេលពិព័រណ៍ ៤ ថ្ងៃ
  • ប្រភេទពិព័រណ៍ ពិព័រណ៍ក្នុងប្រទេស
  • ទំនាក់ទំនង ១២៦៦
  • ទីតាំង : មជ្ឈមណ្ឌលភីអេច ហ្រ្គេនហល (PH Grand Hall) បុរីប៉េងហួត បឹងស្នោ រាជធានីភ្នំពេញ
ទីតាំង
ចែករំលែក