មានគោលបំណង

១-ជំរុញកិច្ចពិភាក្សាពាណិជ្ជកម្ម
២-ជួយបណ្តុះបណ្តាលដល់អ្នកនាំចេញ,
៣-ជំរុញដល់ការបង្កើតទំនាក់ទំនង និងបង្ហាញអំពីចំណុចខ្លាំងនៃឧស្សាហកម្មកម្ពុជា

វេទិកាធុរកិច្ច និងការវិនិយោគកម្ពុជា-ឡាវ៖ នៅក្នុងទីតាំងពិព័រណ៍នៃសាល​​សន្និបាត​ ភីអេច ហ្គ្រេនហល បុរីប៉ងហួតបឹងស្នោ ជាន់ទី១ក្នុងគោលបំណងពង្រឹងសេដ្ឋកិច្ចនិងពាណិជ្ជកម្ម ការនាំចេញ-នាំចូលផលិតផល និងកិច្ចសម្រួលពាណិជ្ជកម្ម នានារវាងកម្ពុជានិងឡាវ។ ក្រុមហ៊ុន/សហគ្រាសកម្ពុជា-ឡាវ និងភាគីពាក់ព័ន្ធប្រមាណ១០០នាក់ នឹងត្រូវអញ្ជើញចូលរួមក្នុងវេទិកាខាងលើ។ ទន្ទឹមនេះ ក្រសួងពាណិជ្ជកម្មក៏នឹងផ្តល់ស្តង់តាំងពិព័រណ៍ចំនួន៦ស្តង់ ជូនភាគីឡាវចូលរួមតាំងពិព័រណ៍ខាងលើផងដែរ ដើម្បីតាំងបង្ហាញផលិតផល​ ទេសចរណ៍ សេដ្ឋកិច្ច​ ពាណិជ្ជកម្ម​និងគម្រោងអភិវឌ្ឍន៍នានារបស់ប្រទេសឡាវ។

កម្មវិធីជំនួបពាណិជ្ជកម្មស្តីរវាងធរុជនកម្ពុជា និងវៀតណាម៖ នៅក្នុងទីតាំងពិព័រណ៍នៃសាល​​សន្និបាត​ ភីអេច ហ្គ្រេនហល បុរីប៉ងហួតបឹងស្នោ (Main Hall) ក្នុងគោលបំណងពង្រឹងកិច្ចសហប្រតិបត្តិការសេដ្ឋកិច្ច-ពាណិជ្ជកម្មទ្វេភាគី និងអនុញ្ញាតក្រុមហ៊ុន និងសហគ្រាស កម្ពុជា និងវៀតណាម ដែលបានមកចូលរួមក្នុងព្រឹត្តិការណ៍ពិព័រណ៍បានជួបគ្នាពិភាក្សា ផ្សព្វផ្សាយផលិតផលសេវាកម្ម បង្កើតបណ្តាញធុរកិច្ច ដើម្បីឈានទៅការចាប់ដៃគូសហការ ឬចុះកិច្ចព្រមព្រៀងពាណិជ្ជកម្ម (មុន និងក្រោយ)។

កម្មវិធីជំនួបពាណិជ្ជកម្មស្តីពីកាលានុវត្តភាពនៃទីផ្សារផលិតផលកម្ពុជាក្នុងយុគសម័យថ្មី៖ នៅក្នុងទីតាំងពិព័រណ៍នៃសាល​​សន្និបាត​ ភីអេច ហ្គ្រេនហល បុរីប៉ងហួតបឹងស្នោ (Main Hall) កម្មវិធីនេះចែកចេញជាពីរផ្នែក៖
ផ្នែកទី១៖ ការអភិវឌ្ឍទីផ្សារផលិតផលកម្ពុជា ដែលនឹងមានបទឧទ្ទេសនាមពីវិស័យឯកជនធំៗ លើផលិតផលសក្តានុពលកម្ពុជា ​ដែលមានលក្ខណៈសម្បត្តិគ្រប់គ្រាន់សម្រាប់ការនាំចេញ មានការវេចខ្ចប់ប្រណីត និងគុណភាពខ្ពស់។
ផ្នែកទី២៖ វេទិកាពាណិជ្ជកម្ម ដែលមានជំនួបពាណិជ្ជកម្មរវាងសហគ្រាស/ក្រុមហ៊ុន/ពាណិជ្ជករនិងដំណើរទស្សនកិច្ចពិព័រណ៍ពាណិជ្ជកម្មកម្ពុជា។

ការប្រគំតន្ត្រី៖ ក្រសួងនឹងរៀបចំការប្រគំតន្ត្រីខា្នតតូចនៅលើឆាកវេទិកាពិព័រណ៍ជារៀងរាល់ថ្ងៃ ចាប់ពីម៉ោង៦៖០០ល្ងាច ដល់ម៉ោង៨៖០០យប់ ដើម្បីបង្កើនភាពទាក់ទាញនិងផ្សព្វផ្សាយពីសិល្បៈវប្បធម៌ ដែលមានការសម្តែងបែបប្រពៃណី ការសម្តែងបែប Acoustic និងការប្រគុំតន្ត្រីសម័យ​ជាដើម។ ការ Live Stream ផលិតផល/សេវាកម្មនៅតាមស្តង់នីមួយៗ និងការសម្ភាស Exhibitors នៅគេហទំព័រផ្លូវការរបស់ក្រសួងពាណិជ្ជកម្ម, ការដើរបង្ហាញម៉ូតសម្លៀកបំពាក់, ការសម្តែងផ្ទាំងទស្សនីយភាពសិល្បៈបុរាណ សម័យ និងសហសម័យ ជាដើម។