ភាសាខ្មែរ
English
中文
ព័ត៌មានលម្អិតនៃព្រឹត្តិការណ៍
មូលបទគោលនៃព្រឹត្តិការណ៍៖ «អបអរបេតិកភណ្ឌ និងចីរភាពនៃតំបន់ឆ្នេរ» មូលបទយុទ្ធនាការ៖ «ទេសចរណ៍ដើម្បីទាំងអស់គ្នា ទាំងអស់គ្នាដើម្បីទេសចរណ៍»
១. ពិធីបើកសម្ពោធជាផ្លូវការ
-
ព្រឹត្តិការណ៍នេះត្រូវបានប្រារព្ធពិធីបើកជាផ្លូវការយ៉ាងមហោឡារិក ក្រោមអធិបតីភាពដ៏ខ្ពង់ខ្ពស់បំផុតរបស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា និង លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ដោយមានការអញ្ជើញចូលរួមពីថ្នាក់ដឹកនាំកំពូលៗ និងមន្ត្រីជាន់ខ្ពស់ជាច្រើនរូប។
២. ការតាំងពិព័រណ៍ផលិតផល និងសេវាកម្មទេសចរណ៍
-
គណៈកម្មការបានរៀបចំស្តង់តាំងពិព័រណ៍ចម្រុះ ដែលអនុញ្ញាតឱ្យថ្នាក់ដឹកនាំ និងសាធារណជនអាចអញ្ជើញទស្សនា និងស្វែងយល់ដោយផ្ទាល់អំពីផលិតផលក្នុងស្រុក សក្តានុពលសេដ្ឋកិច្ច និងសេវាកម្មទេសចរណ៍សម្បូរបែបប្រចាំតំបន់ឆ្នេរ។
៣. ព្រឹត្តិការណ៍កីឡាទេសចរណ៍ (Sports Tourism)
-
ដើម្បីរួមចំណែកទាក់ទាញភ្ញៀវទេសចរ និងលើកស្ទួយវិស័យកីឡា ព្រឹត្តិការណ៍នេះមានរៀបចំការប្រកួតកីឡាទេសចរណ៍យ៉ាងអធិកអធមចំនួន ១០ ប្រភេទផ្សេងៗគ្នា។
-
ទន្ទឹមនឹងនេះ ក៏មានការរៀបចំព្រឹត្តិការណ៍ជិះកង់កម្សាន្តមហាជនចម្ងាយ ១២គីឡូម៉ែត្រ ដែលប្រព្រឹត្តទៅក្រោមអធិបតីភាព ឯកឧត្តម ហួត ហាក់ និង ឯកឧត្តម ម៉ៅ ធនិន។
៤. ជំនួបសំណេះសំណាល និងការផ្សារភ្ជាប់ទំនាក់ទំនង
-
ក្នុងបរិយាកាសដ៏រីករាយនេះ ក៏មានសកម្មភាពចុះជួបសំណេះសំណាលដោយផ្ទាល់ពីសំណាក់ ឯកឧត្តមរដ្ឋមន្ត្រី ជាមួយនឹងបងប្អូនប្រជាពលរដ្ឋ អាជីវករលក់ដូរ និងភ្ញៀវទេសចរអន្តរជាតិ ដើម្បីស្វែងយល់ពីស្ថានភាពអាជីវកម្មជាក់ស្តែង និងជំរុញភាពស្និទ្ធស្នាលរវាងថ្នាក់ដឹកនាំ និងប្រជាពលរដ្ឋមូលដ្ឋាន។
សង្ខេបពិព័រណ៍៖
- កាលបរិច្ឆេទ ១៣ - ១៥ ធ្នូ ២០២៤
- រយៈពេលពិព័រណ៍ ៣ ថ្ងៃ
- ប្រភេទពិព័រណ៍ ពិព័រណ៍ក្នុងប្រទេស
- ទំនាក់ទំនង ១២៦៦
- ទីតាំង : ខេត្តកំពត
